#MyDorp – Maak ‘n draai in die Vaaldriehoek
Die Vaaldriehoek het baie kreatiewe skatte. Hierdie week het ons daar gaan inloer om te sien wat hulle alles bied. Is jy gereed om saam te gaan?
Slaap hier
La Provence Guest House bestaan uit 2 huise, La Provence (Hoof Gastehuis) en La Maison, ‘n huis wat ekstra gaste gaste kan inneem. Die gastehuis is in die industriële dorp, Sasolburg, geleë en bied gerieflike verblyf in ‘n lowerryke, groen tuin. La Provence is een van die eerste huise wat in Sasolburg gebou is en is aanvanklik deur ‘n plaaslike juwelier besit.
Klip River Country Estate is ‘n plattelandse gastehuis in die suide van Johannesburg. Die kombinasie van ons plattelandse tuine en luukse geriewe maak Klip River Country Estate Gastehuis ‘n elegante maar bekoorlike huis wat so tuis soos jou eie huis voel.
Mignon B&B is so reg uit ‘n sprokiesverhaal. Kom maak jouself tuis hier!
Koop hier
Plain Jane bied unieke ontwerpe wat jy net in hulle ateljee sal kry. Kom maak hier ‘n draai wanneer jy weer in die Vanderbijlpark area is.
Skenk jou oortollige klere, huisware en so voorts vir Helpende Hand se Ons Winkel. Die gelde wat inkom word aangewend om ‘n verskil in die gemeenskap te maak.
Pampoenspook doen alle ontwerpe vir bruidspartytjies, verjaarsdae, ooievaarstees, ens. Ons doen ook spesiale bestellings, drukwerk en viniel snywerk.
Eet hier
Varsgebakte vetkoeke, vars slaaie, heerlike ontbyte en nog baie meer is beskikbaar by Vetkoek Chef in Sasolburg.
