KRITERIA & VOORWAARDES EN BEPALINGS

Kriteria

Algemene kriteria

1. Die entrepreneur se ervaring stem ooreen met die tyd in die bedryf/betrokkenheid by ’n onderneming (verwys na “Oor die kompetisie”).

Die volgende word volgens ’n skaal beoordeel:

3. Entrepreneur se rol in die besigheid.
4. Dit is duidelik watter verskil die entrepreneur se betrokkenheid by die besigheid gemaak het.
5. Die entrepreneur het die nodige ervaring en ondervinding om die besigheid te laat werk.
6. Dit is duidelik dat die produk/diens ook in Afrikaans aangebied word.
7. Die produk/diens se mededingendheid.
8. Die entrepreneur beskik oor ’n unieke produk/diens.
9. Die entrepreneur beskik oor ’n duidelike mededingende voordeel.
10. Maklike toegang tot die produk/diens.
11. Die produk/diens is maklik toegangklik vir die teikenmark.
12. Die produk/diens kan geredelik gelewer word sonder ’n lang wagtydperk.
13. Die produk/diens is volhoubaar.
14. Die produk/diens spreek ’n werklike behoefte in die mark aan.
15. Die entrepreneur het werkbare voorstelle om die besigheid volhoubaar te bestuur.
16. Potensiaal vir uitbreiding.
17. Die entrepreneur het duidelike, werkbare idees vir uitbreiding.
18. Die entrepreneur se doelwitte vir uitbreiding is duidelik, realisties en haalbaar.
19. Finansiële beplanning:
    • Die entrepreneur verstaan die onderneming se kostes, inkomste en finansiële posisie.
    • Die entrepreneur se syfers is realisties.
20. Gebruik van tegnologie
    • Tegnologie word effektief gebruik in die bestuur en uitbreiding van die besigheid.
    • Sosiale media word effektief gebruik vir die bemarking van die besigheid.
21. Goeie bemarking
    • Die entrepreneur het ’n duidelike bemarkingsplan gerig op die teikenmark.
    • Die entrepreneur se bemarkingsaanslag is geskik vir die produk/diens.
22. Die produk/diens maak ’n verskil in die plaaslike ekonomie; is plaaslik vervaardig en/of verskaf werk aan plaaslike werknemers/arbeiders.

BEPALINGS EN VOORWAARDES

1. Indien jy in die voorafgaande jare dié kompetisie GEWEN het, mag jy nie weer inskryf nie.
2. Deelnemers mag nie direk verwante familie van enige AfriForum-, Akademia-personeel wees, óf enige direkte of indirekte belang by die hoofborge van hierdie kompetisie hê nie.
3. Aansoeke moet voor of op 26 September 2025 deur middel van ons aanlyn aansoekvorm ingedien word. Geen skriftelike of laat inskrywings sal aanvaar word nie.
4. AfriForum aanvaar sodra jou aansoek ingedien en ontvang is, dat jy voldoen aan die kriteria om aan die kompetisie deel te neem en dat jy as deelnemer, die bepalings en voorwaardes aanvaar en as bindend beskou.
5. Enige inligting wat deur die verloop van die kompetisie van enige persoon ingesamel word, sal ingevolge die bepalings van die Protection of Personal Information Act, 4 van 2013, hanteer en verwerk word.
6. Deelnemers en ander partye wie hul persoonlike inligting beskikbaar stel gedurende die proses van hierdie kompetisie, stem toe dat sodanige persoonlike inligting aan die borge beskikbaar gestel mag word vir bemarking en/of werwingsdoeleindes.
7. Geen wysiging van enige inligting wat op ’n inskrywing ingedien is, sal na die sluitingsdatum toegelaat word nie.
8. Die beoordelaars van hierdie kompetisie is onafhanklik en hul beslissing(s) is finaal.
9. Geen naasbestaandes mag as borg vir die entrepreneurskompetisie optree nie.
10. Publieke stemme is slegs geldig gedurende die periode waartydens aanlyn stemme oop is vir die publiek. Stemming sluit om 11:59v.m. op 12 Oktober 2025.
11. Slegs een stem per persoon is geldig, wat beteken dat daar nie meer as een keer vir dieselfde deelnemer gestem kan/mag word nie. Stemme word geoudit en enige knoeiery sal daartoe bydra dat ’n deelnemer gediskwalifiseer sal word. Knoeiery kan insluit die manipulasie van e-posadresse, IP-adresse, selfoonnommers en so meer.