Plaaslike sakenetwerke - AfriForum Sakenetwerk

plaaslike sakenetwerk

Raak betrokke by AfriForum Sakenetwerk se plaaslike sakenetwerktak in jou omgewing, of stig saam met ons ’n nuwe plaaslike sakenetwerktak.

Sluit aan

Vind jou plaaslike

AfriForum Sakenetwerk-tak hiér

NAASTE TAK

Besoek die tak Sluit aan

Wat is ‘n plaaslike Sakenetwerk-tak?

AfriForum Sakenetwerk gaan in 2025, in samewerking met AfriForum se gemeenskapstrukture, plaaslike sakenetwerke vestig in ’n dorp of streek naby jou.

Stel ondernemings voor aan mekaar
Netwerkverwysingsbemarking
Maak jou gemeenskap sterker
Versterking van jou handelsmerk
Om verhoudinge te bou met ander ondernemings in jou omgewing

Werkswinkels met temas soos finansies, belasting, operasionele sake, administrasie, bemarking of ’n onderwerp by aanvraag word aangebied teen ’n minimale koste vir lede. Akademia is ons vennoot met geleenthede soos hierdie, maar sou daar ’n geleentheid ontstaan vir ’n gasaanbieder/spreker, sal ons graag van so persoon gebruik maak.
Aanlyn werkswinkels kan ook aangebied word, sou die plaaslike sakenetwerk dit verkies.
Maandelikse netwerkgeleenthede is ingesluit by die maandelikse koste, bv. ’n onbyt/middagete/aandete; na gelang van die spesifieke plaaslike sakenetwerk se voorkeur.
Die jaarlikse Tinteltong Toekennings word aangepas om deel te word van die plaaslike sakenetwerk. ’n Toekenning word deur hoofkantoor geborg vir die beste diens en beste produk en die wenner daarvan sal aangewys word deur ’n stemproses van die plaaslike sakenetwerk sowel as stemme van die publiek.

Voorgestelde koste per maand vir onderneming: R350 per maand of R3 500 (twee maande korting) per onderneming per jaar
Plaaslike sakenetwerke se netwerkgeleenthede en/of ander geleenthede word uit hierdie kostes gedek en enige besparing word aangewend vir geleenthede wat die plaaslike netwerk self sal wil aanbied, bv. ’n jaarlikse gala-aand/toekenningsgeleentheid of seminaar met ’n spreker.
Geen heffing op takke met minder as 10 lede nie.
Heffings van 30% word geplaas op sakenetwerke van 10+ lede.
Heffings van 45% word geplaas op sakenetwerk van 20+ lede.

Om hierdie plaaslike netwerk te vestig het ons ’n plaaslike komitee nodig wat verantwoordelik sal wees om

maandelikse netwerkgeleenthede te reël;
werkswinkels te reël;
geleenthede te identifiseer waarby die plaaslike sakenetwerk betrokke kan raak;
te help met die Tinteltong Toekennings wat jaarliks plaaslik sal plaasvind;
die plaaslike sakenetwerk te laat groei totdat nog een gestig kan word; en
geleenthede te identifiseer waar AfriForum se gemeenskapstrukture dienste kan lewer soos bv. vullisverwydering.

Om administratiewe doeltreffendheid te bevorder sal komiteelede deel wees van ’n WhatsApp-groep, terwyl daar ’n aparte groep sal wees vir die algehele plaaslike sakenetwerk.

Komiteelede wat nodig is om ’n plaaslike sakenetwerk te vestig:

Voorgestelde portefeuljes:	Pligte:
Voorsitter	Skeduleer vergaderings, werkswinkels
Ondervoorsitter en tesourier (AfriForum-koördineerder)	Ondersteun voorsitter, verskaf inligting oor dienste wat die tak bied vir ondernemings, boekhou van fondse en indien van EFT’s.
Sekretaris	Beplanning van dagboek, notulering, WhatsApp-koördineerder
Sosiale funksies	Koördineer maandelikse- en ander funksies
Werwer	Nooi ander ondernemings om deel te word van die plaaslike sakenetwerktak