Tinteltong
Toekennings

Tinteltong Toekennings 2021

In samehang met Internasionale Moedertaaldag, wat jaarliks op 21 Februarie gevier word, beloon ons innoverende Afrikaanse ondernemings.

In 2016 het ons begin deur ’n pakkie te pos aan vier sulke ondernemings wat ons beïndruk het. In 2017 het ons met ’n amptelike feesviering begin, en jaarliks word meer as 10 ondernemings met ’n Tinteltong Toekenning bekroon.

AfriForum het in 2016 vasgestel dat 30% van die Suid-Afrikaanse mark Afrikaans is. Daarom gaan ons voort om ondernemings te beloon wat dienste in Afrikaans bied. AfriForum hoop dat die wenners ander ondernemings en mense ook sal aanspoor en besiel om in hul sake in hul hartstaal te bedryf.

Weens die COVID-inperkings moes ons vanjaar die koppe kraak om die Tinteltong Toekennings – soos wat dit in die verlede aangebied is – te herevalueer. Gelukkig het 2020 ons geleer om altyd voorbereid te wees vir die onvoorbereide!

Vanjaar se Tinteltong Toekennings werk dus soos volg:

1. Daar is drie streke:

  • Noordstreek (Gauteng, Mpumalanga, Noordwes en Limpopo)
  • Sentraalstreek (Vrystaat en Noord-Kaap)
  • Kusstreek (Wes-Kaap, Oos-Kaap, KwaZulu-Natal)

2. In elke streek word die nominasies in twee kategorieë verdeel, naamlik kreatief en korporatief. Die kreatiewe afdeling is vir kunstenaars, grafiese ontwerpers, fotograwe en dies meer, terwyl die korporatiewe afdeling vir konstruksie maatskappye, prokureurs, ouditeurs en dies meer is.

3. In elke streek is daar twee wenners in elke afdeling, dus vier wenners in elke streek en 12 wenners in totaal. Wenners word deur die publiek aangewys. Die twee ondernemings in elke kategorie en streek wat dus die meeste stemme kry, word dus as wenners aangewys.

 4. Ondernemings moet hul nominasie aanvaar om vir ’n Tinteltong Toekenning in aanmerking te kom. Dit beteken dat ons elke genomineerde onderneming sal kontak om hulle te vertel dat hulle genomineer is. Elkeen sal dan bereid moet wees om na die aangewese ateljee in hul streek te reis, waar die video met die wenners opgeneem word.

5. Die toekennings word oorhandig by ’n privaat geleentheid. Slegs die ondernemingeienaar word genooi om die toekenning te ontvang en op video opgeneem te word. Daar word tydens die oorhandiging ook informele onderhoude met die wenners gevoer.

6. Die toekennings word volgens streek oorhandig. As jy dus ’n toekenning wen en jy woon in die Wes-Kaap, sal jy jou trofee in die Wes-Kaap ontvang. Ons sal met die wenners in gesprek tree om die betrokke adres te bevestig.

7. Nominasies word soos volg uitgedun:

In die kreatiewe afdeling kyk ons veral na hoe kreatief ondernemings met Afrikaans omgaan, hoe hulle sosiale media aanwend om hulself te bemark en hoe hulle hul handelsmerk toepas.

In die korporatiewe afdeling kyk ons veral na hoe professioneel hul dokumentasie opgestel word, wat kliënte van hulle sê en hoe lank hulle al in die bedryf is (ten minste twee jaar). Ons oorweeg ook die gebruik van ’n handelsmerk in dié kategorie.

Nominasies wat in die laaste twee jaar Tinteltong Toekennings gewen het, mag nie aan vanjaar se Tinteltong Toekennings deelneem nie. AfriForum Sakenetwerk wil ook aan ander ondernemings geleentheid bied om ons platform te gebruik om hulself te bemark, vandaar dié besluit.

8. Belangrike datums

Nominasies sluit op 15 Januarie 2021.

Stemming vind plaas van 20 tot en met 28 Januarie 2021. Stemming maak oop om 12:00 en sluit ook weer om 12:00.

’n Video van al 12 wenners sal op YouTube en ander sosiale media kanale uitgesaai word in die week van 22 tot 25 Februarie 2021. Hou gerus ons Facebook-blad dop vir die amptelike datum waarop die video vrygestel sal word.

Kontak ons gerus by netwerk@afriforum.co.za as jy enige ander vrae het oor hierdie jaar se Tinteltong Toekennings.

 

 

 

NOMINASIES KAN INGEDIEN WORD DEUR DIE LOOP VAN DIE JAAR.

  • This field is for validation purposes and should be left unchanged.

Of stuur die naam na netwerk@afriforum.co.za of lys slegs jou onderneming op die AfriForum Sakenetwerk.