Tinteltong
Toekennings

Tinteltong Toekennings 2022

In samehang met Internasionale Moedertaaldag, wat jaarliks op 21 Februarie gevier word, beloon ons innoverende Afrikaanse ondernemings.

In 2016 het ons begin deur ’n pakkie te pos aan vier sulke ondernemings wat ons beïndruk het. In 2017 het ons met ’n amptelike feesviering begin, en jaarliks word meer as 10 ondernemings met ’n Tinteltong Toekenning bekroon.

AfriForum het in 2016 vasgestel dat 30% van die Suid-Afrikaanse mark Afrikaans is. Daarom gaan ons voort om ondernemings te beloon wat dienste in Afrikaans bied. AfriForum hoop dat die wenners ander ondernemings en mense ook sal aanspoor en besiel om in hul sake in hul hartstaal te bedryf.

Weens die COVID-inperkings moes ons vanjaar die koppe kraak om die Tinteltong Toekennings – soos wat dit in die verlede aangebied is – te herevalueer. 2021 se Tinteltong Toekennings is volgens streke ingedeel en ook daar uitgedeel.

Ons hoop om in 2022 die Tinteltong Toekennings op die tradisionele manier voort te sit, maar dié keer sal dit ook regstreeks op ons Facebook-blad uitgesaai word.

Die nominasieproses is nou amptelik oop en die publiek en ondernemings is welkom om hulle gunsteling Afrikaanse ondernemings te nomineer.

Die Tinteltong Toekennings gaan in 2022 internasionaal

AfriForum Sakenetwerk bied in samewerking met Wêreldwyd ’n nuwe kategorie vir ondernemings in die buiteland aan.

AfriForum Sakenetwerk en Wêreldwyd wil weet watter ondernemings praat Afrikaans in die buiteland.

Nomineer jou gunstelingonderneming in die buiteland.

Lewer jy dienste en produkte in Afrikaans? Gebruik die vorm en laat weet ons wie verdien ’n Tinteltong Toekenning.

Belangrike datums 

Nominasies sluit op 14 Januarie 2022 om 12:00.

Stemming vind plaas van 19 tot 26 Januarie 2021. Stemming maak oop om 12:00 en sluit ook weer om 12:00.

Die Tinteltong Toekennings sal gevier word op 23 Februarie 2022 by die AfriForum Teater in Menlopark, Pretoria.

Kontak ons gerus by netwerk@afriforum.co.za as jy enige vrae het oor die volgende Tinteltong Toekennings.

Bepalings en voorwaardes

1. AfriForum behou die reg voor om nominasies af te keur.

2. Nominasies moet voldoen aan dié twee vereistes; a.) die handelsnaam moet Afrikaans wees en b.) reeds vir ’n jaar handeldrywend wees.

3. Indien ’n plaaslike wenner nie by die toekenningsgeleentheid kan wees nie, sal die toekenning nie toegestaan word aan die onderneming nie.

4. Toekenningwenners moet op eie onkoste reël vir reis- en verblyfreëlings.

Tinteltong Toekennings 2022 - Stem vir jou gunsteling onderneming.

Alle velde wat met ’n * gemerk is, is verpligtend.
  • Kontakbesonderhede:

  • Kategorie: Kreatiefste Afrikaanse handelsnaam
  • Kategorie: Trippeltoontjies – produk of diens wat op kinders of babas gemik is
  • Kategorie: Eet in Afrikaans
  • Kategorie: Eg Afrikaanse produkte
  • Kategorie: Handelsmerke wat Afrikaans praat
  • Kategorie: Stories, uitgewers en bloggers wat Afrikaans bevorder
  • Kategorie: Handgemaakte produkte en dienste wat Afrikaans praat
  • Kategorie: Korporatief
  • Kategorie: Eksie perfeksie - naaldwerk- en leerprodukte wat Afrikaans praat (meer as een toekenning sal in hierdie kategorie toegeken word)
  • Kategorie: Brou- en stookboetiek – drink alkohol en koffie in Afrikaans (meer as een toekenning sal in hierdie kategorie toegeken word)
  • Kategorie: Wêreldwyd – Afrikaanse ondernemings in die buiteland
  • This field is for validation purposes and should be left unchanged.